Çfarë është stresi?
ERNALD ZEQJA
Stresi gjate shtatëzanisë – Çfarë duhet të dini
Stresi është një reagim i natyrshëm ndaj ndryshimeve dhe sfidave. Edhe
ndryshimet pozitive, qofshin ato edhe emocionuese mund të rezultojne
për shumë individë si stresuese. Disa lloje të përjetimit të stresit,
mund të jenë të dobishme, sepse ju japin motivimin dhe përqendrimin
për t’u përballur me sfidat dhe për t’i arritur shumë objektiva në
kohë. Por shumë stres mund të jetë dërrmues, duke e bërë të vështirë
përballimin ndaj detyrave të përditshme. Një gjëndje stresante mund të
ndikojë negativisht në trupin tuaj, mendimet dhe njëkohësisht edhe
ndjenjat. Rrjedhimisht ky fenomen mund të ndikojë edhe në sjelljen
tuaj.
Stresi dhe shtatëzania
Ndonjëherë ka raste që edhe shtatzania vetë si proces mund të jetë
stresuese. Për shembull, pritja dhe marrja e rezultateve të testeve
para lindjes mund të shkaktojë stres. Nëse keni kaluar një trajtim
fertiliteti ose keni përjetuar një abort të mëparshëm ose një vdekje
të një fëmije, shtatëzania mund të jetë fizikisht dhe emocionalisht
një fenomen kaq i shumëpritur dhe kaq kërkues për ju dhe familjen
tuaj. Shtatëzania shkakton një mori ndryshimesh fizike dhe gjithashtu
emocionale. Ndryshimet e shtatëzanisë mund të jenë edhe më stresuese
nëse shtatzania juaj rezulton të jetë e paplanifikuar, për arsyen pasi
mund të kishit pasur më pak kohë për t’u përgatitur për këto
ndryshime. Ju gjithashtu mund të ndiheni të mbingarkuara nga
informacionet, këshillat apo historite e treguara prej familjarëve,
miqve apo të tjerëve që ju rrethojnë.
-
Ngjarje dhe situata të tjera që mund të shkaktojnë trazira
emocionale dhe nivele të larta të stresit në shtatëzani përfshijnë:
- probleme financiare
- problemet e marrëdhënieve në cift/ ose ndarja
- nevoja për të ndryshuar shtëpinë ose procesi i lëvizjes së shtëpisë
- papunësia ose nevoja për të ndryshuar punën ose orët e punës
- fëmijë të tjerë që kanë nevojë për ndihmë për t’u përshtatur me shtatëzaninë
- sëmundje familjare ose vdekja e një anëtari të familjes
- hidhërim, pikëllim
- trauma
- dhuna në familje
- probleme me alkoolin dhe barnat e tjera
- historik i sëmundjeve mendore, ankthit ose depresionit
Nivelet e stresit tuaj mund të jenë më të larta nëse disa nga pikat
e siper permendura po ndodhin në të njëjtën kohë. Takimet antenatale
me mjekun janë një mundësi e mirë për të folur për shëndetin, stilin
e jetës dhe mirëqenien tuaj, duke përmendur ato elemente në jetën
tuaj, të cilat mund të jenë burim stresi. Për shembull, nëse
shqetësoheni për t’u bërë prindër ose ka probleme në marrëdhënien
tuaj, përfshirë dhunën në familje, është gjithmonë një ide e mirë që
ju të flisni për këtë fenomen, pasi vetëm kështu do të mund të
merrnit një mbështetje psiko- emocionale.
Shëndeti dhe stili i jetës
Bëni disa ushtrime, si psh ecja. Njihet për vetinë e saj në
reduktimin e stresit dhe për përfitimet e përgjithshme shëndetësore.
Mundohuni të pushoni atje ku mundeni dhe shmangni rezervimet në
shumë aktivitete. OK është në rregull të shtriheni për tu shplodhur
gjatë ditës psh, të bëni një pushim dhe të ngadalësoni ritmin me të
cilin kryeni aktivitetet e përditshme.
Mundohuni të angazhoheni me disa aktivitete që ju tërheqin vëmendjen
ose ju japin kënaqësi, si psh leximi, ndjekja e shfaqjeve tuaja të
preferuara televizive, gatimi, piktura ose diçka tjetër që ju
pëlqen. Mundohuni të hiqni nga vetja maninë apo idenë ndonjëherë
frustruese për të qenë perfekte. Pranoni që jeni duke bërë më të
mirën që mundeni. Mundohuni të mos shqetësoheni nëse gjërat nuk janë
ashtu si dëshironi të jenë – për shembull, nëse shtëpia juaj është e
çrregullt hera herës.
Kërkoni ndihmë praktike ose thoni ‘po’ kur dikush ofron pikërisht
ndihmë praktike gjatë shtatzanisë dhe njëkohësisht pas lindjes se
bebit. Provoni yoga, meditim, ushtrime frymëmarrjeje ose relaksi.
Nëse nuk mund të ndiqni fizikisht klasa të tilla , ju mund të
kërkoni video të përshtatshme, të ngjashme në internet ose të
përdorni një aplikacion specifik i cili mund t’ju guidojë më se
miri..
Familja dhe miqtë
Kaloni kohë cilësore me njerëz, të cilët ju bëjnë të ndiheni mirë
dhe ju ndihmojnë të de-stresoheni. Kërkoni dhe pranoni ndihmë për
gjërat me të cilat luftoni. Mbështetja nga njerëzit përreth jush
mund t’ju ndihmojë të fitoni aftësinë për të menaxhuar stresin.
Mundohuni të socializoheni edhe me nëna të tjera në pritje – për
shembull, mund të përdoret media sociale si mjet për t’u
lidhur/njohur me prindër të tjerë ose prindër të ardhshëm.
Flisni me mjekun ose psikologun/keshilluesin tuaj për atë që mund
t’ju bëjë të ndiheni të stresuar dhe kërkoni sugjerime për atë që
mund të bëni më tej…
“Prilli është muaji i ndërgjegjësimit botëror ndaj stresit”
DO TË MËSOSH MË SHUMË?
Ne blogun tone mund te gjeni artikuj qe i japin përgjigje shumë pyetjeve qe mund te keni!
